Собранието денеска ќе ја одржи 41 седница, на чиј дневен ред ќе се најдат седумдесетина точки, меѓу кои и интерпелацијата за работата на министерот за правда, Бојан Маричиќ и вицепремиерот за борба против корупцијата, одржлив развој и човечки ресурси, Љупчо Николовски.
Пратениците ќе расправаат и за Предлог законите за утврдување на максималните цени за болничко лекување и за тестирање на пациенти со Ковид-19 во приватните здравствени установи, за изменување и дополнување на Изборниот законик, за наставниците и стручните соработници во основните и средните училишта, за Бирото за развој на образованието и за други предлог одлуки и закони.