Денеска сонце, утре и во недела дожд

Денеска времето ќе биде сончево и топло. Утре под влијание на атмосферски фронт на повеќе места се очекуваат поројни врнежи од дожд. Локално процесите ќе бидат во форма на краткотрајно невреме проследени со грмежи и со силен ветер со брзина над 70 км/час.

Во сабота ќе настапи преодно стабилизирање на времето. Од недела и во следните денови времето ќе биде променливо облачно со повремени врнежи од дожд, а локално ќе бидат поројни, проследени со грмежи. Минималната температура ќе се спушти до 3 степени над нулата, а максималната ќе достигне 19 степени Целзиусови.