Денеска топло, од утре пад на температурата

Денеска преку денот ќе се задржи сончево и релативно топло. Во текот на ноќта под влијание на продор на студена воздушна маса од север ќе почне да дува засилен северен ветер, што во првите два дена од работната седмица ќе услови значително намалување на дневната температура за повеќе од десет степени.

Утре времето ќе биде променливо облачно и ветровито, претпладне со врнежи од дожд, а во вторник облачно и уште постудено со повремени врнежи преку целиот ден, особено во јужните делови. Од среда ќе преовладува променливо облачно време со сончеви периоди и со пораст на дневната температура.