Денеска врнежи од дожд, од утре стабилизирање на времето

Денеска ќе преовладува претежно облачно време, со повремени локални врнежи од дожд. Во северните делови од земјата ќе биде значително постудено, а повеќе врнежи ќе има во западните делови каде на планините ќе врне снег.

Кон крајот на денот во југозападните делови и на пониските места, врнежите ќе преминат во снег. Повремени врнежи од снег ќе има и во Скопската котлина. Вдолж Повардарието ќе дува засилен северозападен, а во западните делови засилен западен ветер. Температурата ќе се движи од 3 до 15 степени Целзиусови.

Од утре ќе настапи стабилизирање на времето со ниски утрински температури, кои на повеќе места ќе бидат негативни, а дневните ќе бидат во пораст.