Џафери ги распиша претседателските избори

Претседателот на Собранието, Талат Џафери попладнево го потпиша решението за распишување на претседателските избори. Првиот круг на претседателските избори ќе се одржи на 21 април, а вториот на 5 мај.

Во изјавата за медиумите, Џафери апелираше до учесниците во изборниот процес да се однесуваат согласно Уставот и законите, како што и’ доликуваат на една европска држава.

Истовремено, Џафери  порача дека граѓаните се единствениот легитимен авторитет што ќе одлучи кој ќе биде шестиот претседател на Македонија.