Двајца полицајци убиени при сообраќајна контрола

При сообраќајна контрола во округот Кузел, во германската покраина Рајнланд Пфалц, се убиени двајца полицајци. Потрагата по убијците е во тек.

Полицајците се убиени во текот на изминатата ноќ (30/31.01), соопшти полицијата во Кајзерслаутерн. Според она што е соопштено, полицајците вршеле рутинска сообраќајна контрола. Убиството се случило околу 04:20 часот во Улмет. Полицајците, според изјава на портпарол на полицијата, самите успеале да повикаат помош, но кога засилувањето пристигнало, тие веќе им имале подлегнато на повредите.

По убијците на 24-годишната полицајка и 29-годиниот полицаец се трага засилено. Засега нема опис на извршителите или на возилото со кое тие избегале. Не е познато ниту во кој правец се упатиле. Полицијата ги предупредува граѓаните да не земаат никого во своето возило, затоа што најмалку еден од извршителите е вооружен.

Полицискиот синдикат изрази длабоко сочувство поради загубата на своите колеги. „Во мислите сме со семејствата и пријателите на колегите кои се убиени во текот на извршување на службата“, изјави заменикот претседател на полицискиот синдикат, Јерг Радек. Според него, по „ужасниот настан“ сега највисок приоритет има апсење на извршителите, за да се спречи натамошна опасност по населението.

Извор: DW

Прочитајте повеќе

Скандал со злоставување: Ја губи ли Орбан контролата?

Виктор Орбан не може да го стави под контрола скандалот со помилување на човек кој …