Еурактив: Мнозинството Македонци задоволни од реакциите на власта по руската инвазија на Украина

Mнозинството Македонци, Босанци, Косовци и Срби се задоволни од реакциите на нивните власти по руската инвазија на Украина, покажа истражувањето наречено Регионален барометар кое го спроведе Регионалниот совет за соработка, објави Еурактив.

Резултатите покажаа дека 67 отсто од Македонците, 66 отсто од Босанците, 69 отсто од Косовците и 60 отсто од Србите се генерално задоволни од начинот на кој властите реагираа на војната.

Сепак, 77 отсто од граѓаните во регионот очекуваа економски пад, а многумина изразија загриженост за снабдувањето со гас и храна и за обезбедување на нивната економија. Дополнително, некои беа загрижени за продлабочувањето на социјалните и политичките поделби, забавувањето на интеграцијата во ЕУ, новиот прилив на бегалци и несигурноста во снабдувањето со гас. Во Србија особено е изразен стравот од нов прилив на бегалци, а таква загриженост изразиле 41 отсто од испитаниците.

Според оваа анкета, Албанците се најпесимисти меѓу граѓаните на Западен Балкан, при што речиси половина од нив веруваат дека ситуацијата нема да се подобри. Истражувањето покажа дека околу 66 отсто од граѓаните во Албанија, Косово, Србија, Северна Македонија и Црна Гора сметаат дека војната претставува закана за нивната локална економија, а 30 отсто од нив сметаат дека овој ризик е значителен.

Во однос на идните очекувања, околу половина од анкетираните граѓани веруваат дека состојбата ќе остане иста, додека една третина смета дека ќе се влоши. Само 9 отсто од испитаниците сметаат дека ситуацијата ќе се подобри. Меѓу земјите, граѓаните на Косово беа најоптимисти, односно 15 отсто веруваат во посветла иднина, додека Албанците беа најнегативни, со 46 отсто кои веруваат дека ситуацијата ќе се влоши. Следуваат Србите со 41 отсто без доверба во ситуацијата.

Повеќето граѓани од Западен Балкан ги поддржаа економските санкции против Русија, додека речиси исто толку не ги одобрија. Имено, Македонците беа исклучок, при што до 71 отсто од испитаниците сметаат дека не треба да се воведат економски санкции кон Русија. Во регионот само Србија не се приклучи на сите санкции на ЕУ и САД против Москва.

Според истражувањето, вреди да се спомене дека Северна Македонија, Русија и Црна Гора се борат со руското влијание и дезинформации во јавната сфера, додека Албанија и Косово прифатија украински бегалци во нивните земји и немаат многу слични прашања.

Извор: МЕТА

Прочитајте повеќе

Руски агенти во мантија

Малку е познато дека и пред Васијан Змеев руските агенти во Македонија вршат непријателска дејност …