Филипини: Јанкуловска и другите обвинети да замолчат и да размислат што им направиле на граѓаните

Коментирајќи ги последните случувања во нашата држава, поранешната амбасадорка на Холандија во Македонија, Симоне Филипини вели дека поранешните членови на Владата на ВМРО-ДПМНЕ кои се обвинети во судски случаи, треба да замолчат и да размислат што и’ направиле на земјата:

„Луѓето што се одговорни за високото ниво на корупција, за поткопувањето на владеењето на правото во Македонија, за поткопувањето на независноста на медиумите, за корумпирањето на судиите, и да бидам искрена, некои луѓе од претходната влада, а ние добро знаеме кои се тие, поранешниот премиер, поранешната министерка Гордана Јанкулоска и некои други што со право се обвинети сега во судски случаи, мислам дека крајно време е да замолчат и да размислат за она што и’ го направиле на земјата, против земјата и против нејзините граѓани“, вели Филипини.

Филипини учествува на Светскиот форум за демократија во Советот на Европа во Стразбур.