ПУБЛИКУМ Вистината на прво место
Меѓународниот ден на жената, 8.Март, Форумот на жени при ОО на СДСМ Прилеп го одбележа со хепенинг на градскиот плоштад „Методија Андонов-Ченто“.
На хепенингот кој се одржа под мотото „Со моќни жени до моќна држава“, беа промовирани мерките и достигнувањата на СДСМ во унапредување на положбата на жената во општествениот и политичкиот живот.
„Што постигнавме досега?
- Донесовме нов закон за прекин на бременоста
- Ја ратификувавме Истанбулската конвенција и го донесовме Националниот план за нејзина имплементација
- Донесовме закон за минимална плата – женски труд без дискриминација
- Го подобривме животот на жените во руралните средини
- Се грижиме за жртвите од родово базирано насилство
- Се бориме против дискриминацијата на сите полиња во општеството
Иако постигнавме многу, борбата треба да продолжи. Нема среќно општество ако немаме еднаква застапеност на двата пола и еднакви можности.Затоа, овој ден нека биде потсетник и повик до секоја жена, дека борбата за родова еднаквост не трае само еден ден, туку таа треба да биде секојдневна и на сите полиња“, истакнаа од Форумот на жени на ОО на СДСМ Прилеп.
