Фото-сторија: Пеликаните, кормораните и рибарите во заеднички риболов на Дојранското езеро

Кадроглави пеликани, заедно со традиционалните корморани и бројни рибари, деновиве се секојдневни гости на Дојранското езеро. Разновидните и многубројни риби се заедничкиот интерес којшто ги привлекува луѓето и птиците и во зимските месеци да се дружат со езерските води.

Веќе подолг период наназад, водостојот на Дојранското езеро е повеќе од два и пол метри над просекот со што го привлекува интересот на бројните граѓани чија пасија е спортскиот риболов. Ова езеро е извор на заработка на голем број граѓани од Дојран и околните населени места од ловењето на риба, но и на угостителските објекти кои подготвуваат свежи специјалитети од риба.

За разлика од верната дружба на кормораните со дојранските рибари што трае со поколенија наназад, пеликаните во зимскиот период од ноември до март се гости на Дојранското езеро поради топлите води и богатиот рибен фонд.

Нивниот „танц“ во групи при ловот на риби е неповторливо доживување, а распонот на нивните крилја е посебно доживување.

Дојран зимскиот период плени со тишина и спокој, којшто е далеку од градската врева и грижи, што е уште еден мотив повеќе за рибарите да се упатат кон оваа позната туристичка дестинација во земјава.

Извор: МЕТА