Граѓаните повторно мета на фишинг напади – не отвoрајте пораки за наводни компликации со поштенски пратки

Масовно пристигнуваат СМС пораки до граѓаните, во кои се тврди дека има компликации при доставување на нивните пратки. Ова е уштен еден фишинг напад кој цели да злоупотреби информаци поврзани со кредитни картички.

„Вашиот пакет пристигна во складот и не може да биде доставен поради неполни податоци за адресата. Ве молиме потврдете го вашиот адрес на следниот линк”,  гласи пораката која деновиве пристигнува до голем број граѓани.

Дополнитело, пораката содржи линк кој ги насочува корисниците да го отворат. Доколу го проследите линкот, страната вели дека испораката не е успешна поради нејасна адреса, а наредно бара да се внесат информации за плаќање преку интернет.

За сличен случај, Мета.мк објави минатиот месец – дека фишинг нападите стануваат сè почести, а за заштита на податоците важно е да не се отвараат непознати линкови и да не се даваат податоци сè додека не се потврди легитимитетот на барањето.

„По кликнувањето на некој лажен линк, корисникот се носи до лажна веб страница креирана од сајбер криминалците, наместо до некој безбеден линк и од него се бара да внесе лични податоци. Токму такво едно сценарио видовме кога неколку универзитети и бизниси беа залажани од кампања, која наводно беше за решавање на некој проблем со доставата на FedEx. Оваа шема е потсетување дека секој може да падне во стапицата на сајбер криминалците и е причината зошто корисниците секогаш треба да бидат внимателни на што кликнуваат, како и да се осигураат дека барањето што им е испратенo е валидно. Затоа секогаш е добра идеја да се контактира изворот на имејлот за да се потврди легитимитетот на барањето“, се вели во објаснувањето на компанијата Кабтел.

Фишинг нападот е инаку опишан како лажна порака која личи вистинска но има цел да го измами примачот при што тој ќе открие лични информации, преку посета на лажна веб страна или отварање на додаток (прилог) кој е заразен со вирус.

Извор: МЕТА