Грижата за личното здравје е грижа за семејството – трибина за подигање на свеста за машкото и женското здравје (ГАЛЕРИЈА)

Во преполната сала на ЦК „Марко Цепенков“ во Прилеп, вечерва се одржа трибина на тема „Не чекај, превенирај! Заедничка борба за женско и машко здравје”.

На трибината говореа заменик министерката за здравство, Маја Манолева, директорот на Клиниката за урологија д-р Сашо Дохчев, директорката на Институтот за радиологија д-р Гордана Антулеска – Белческа и поранешниот министер за здравство, д-р Венко Филипче.

Трибината имаше за цел подигање на свеста за месецот за борба против ракот на дојка „Розов Октомври“, како и за месецот за заштита на машкото здравје „Мовембар“.

Организатор на трибината беше Општинската организација на СДСМ Прилеп, во чие име пред присутните се обратија претседателот на ОО на СДСМ, Зоран Пачешкоски и претседателката на Форумот на жени на Општинската организација, Оливера Костадиноска.