Илхан Ќучук

Илхан Ќучук: Нема да има подобар предлог, никој не му витка рака на Скопје

Во интервјуто за Бугарско национално радио (БНР), Ќучук нагласува дека Северна Македонија е сосед на Бугарија и дека стратегиски интерес на Бугарија треба да биде тоа сите на Балканот заедно да бидат дел и од НАТО и од ЕУ

Нема да има промена на позицијата на ЕУ – ниту има таква желба, ниту пак неколку месеци пред европските избори во ЕК, Советот ќе се зафатат да се ангажираат со менување на правилата. Правилата се тие, усогласени се и секој треба да се прилагоди на нив. Второ – нема да има подобар предлог, бидејќи овој е најдобриот. Никој не му витка рака на Скопје, никоја не поставува никакви дополнителни услови. Ова не е бугарски диктат, туку тоа се европските правила што треба да ги следи Северна Македонија.

Со таква порака денеска, кога во процедура во македонскиот парламент влезе предлогот за уставните измени, се обрати Илхан Ќучук, пратеник во Европскиот парламент (ЕП) и специјален известувач на ЕП за Северна Македонија.

Во интервјуто за Бугарско национално радио (БНР), Ќучук нагласува дека Северна Македонија е сосед на Бугарија и дека стратегиски интерес на Бугарија треба да биде тоа сите на Балканот заедно да бидат дел и од НАТО и од ЕУ.

„Тоа е иднината!“, порачува тој.

За сето тоа, вели тој, потребни се политички напори и желба земјата да оди во една или во друга насока.

„Изборот е исклучиво на Северна Македонија. Ако ВМРО-ДПМНЕ не сака да биде на страната на европеизацијата на РСМ, одговорноста е на партијата, но за жал, тоа ќе го сопре за не баш кратко време патот на Северна Македонија кон ЕУ“, вели европратеникот во интервјуто во емисијата „Пред сите“.

Според него, многу е можно Северна Македонија и Албанија да се разделат на европскиот пат. Ќучук е согласен со македонскиот премиер Димитар Ковачевски дека во случај на неуспех, причините ќе треба да се бараат единствено во Скопје.

„Треба да има јасен политички сигнал, односно обединети напори од сите. Дебатата може и треба да биде тешка, кога зборуваме за внатрешо-политички прашања, но кога зборуваме за столбовите на интеграцијата, НАТО и ЕУ, цивилизираниот избор на земјата – тука треба да има едно единствено мислење – следењето на стратегиските приоритети на земјата“, вели Ќучук.

Во однос на условите, тој повторува дека тие не се бугарски, туку европски и дека во текот на француското претседателство со ЕК, на нив се согласиле и Бугарија и Северна Македонија.

Тој нагласува дека политичарите не треба да се вмешуваат во историските прашања.

„Историјата треба да се остави во рацете на историчарите, а политичарите да гледаат напред. Денешните политички елити на Бугарија и Северна Македонија, кога зборуваме за напред, треба да решаваат многу поинакви нешта. Тука мислам на бизнис односите, културата, образованието – се што треба да биде направено за да може двете држави да бидат поблиски како држави, имајќи ги предвид заедничката историја, за да бараат заедничка иднина во рамките на ЕУ. Интерес од тоа ќе имаат и двете земји“, вели Ќучук.

Извор:МЕТА

Прочитајте повеќе

Наративите на ВМРО-ДПМНЕ за Пендаровски се главно проблематични и кокетираат со невистини

Наративите на ВМРО-ДПМНЕ за Пендаровски се главно проблематични и кокетираат со невистини

Поентата што сака да ја постигне противничката партија е дека Пендаровски, всушност, не е човек …