Изборен молк од полноќ

Изборната кампања завршува вечерва, на полноќ. Од вечерва е забрането политичко рекламирање за двојните избори- вториот круг од претседателските и изборите за пратеници кои ќе се одржат на 8 мај.

Денеска ќе се одржи и последниот ТВ дуел на двајцата претседателски кандидати Гордана Сиљановска Давкова и Стево Пендаровски, како и последните митинзи на политичките партии кои се во трка за пратенички места во Собранието. Молкот ќе трае до затворање на избирачките места на 8 мај во 19 часот.

Гласањето на седмите претседателски избори и единаесеттите парламентарни избори треба да се спроведе на 3.480 избирачки места во државата.