Катица Јанева попладнево испратила ново писмо од притворот во кој се наоѓа, со кое го известила Советот на јавни обвинители дека ја активира оставката поднесена на 15 јули. Писмото било рачно напишано и следува откако на денешната седница собраниската Комисија за избори и именувања едногласно го усвои предлогот за нејзино разрешување.
Според Советот на обвинители, независно од поднесената оставка, заради законската процедура Собранието ќе гласа за нејзиното разрешување.