Претседателката на Претставничкиот дом на американскиот Конгрес, демократката Ненси Пелоси, најави дека оваа недела во долниот дом на Конгресот ќе се гласа за резолуцијата со која Мајк Пенс и американската влада ќе се повикаат да го сменат претседателот Трамп, пред да се покрене постапката за импичмент.

Амандманот 25 од американскиот Устав му овозможува на потпретседателот и членовите на американската влада да го сменат претседателот, доколку е неспособен да ги извршува своите претседателски должности.