ПУБЛИКУМ Вистината на прво место
Општина Крушево ја изработи стратегијата за развој на туризам за периодот од 2020 до 2025 година.
Стратегијата ги ревидира приоритетите од последната стратегија, ја детектира моменталната состојба и дава приоритети и цели врз основа на светските трендови на туризмот и потенцијалите на Крушево.
Стратегијата е изработена во консултација Оо општина Крушево, а беше предмет на увид и на граѓаните на општина Крушево и сите засегнати страни.
„Продолжуваме да работиме врз основа на оваа стратегија. Драго ми е што имаме еден ваков документ, затоа што создава поголема одговорност за нас, а истата е остварлива. Благодарност до Министерството за економија во имплементацијата на проектот“, изјави градоначалникот на општина Крушево, Томе Христоски.
Стратегијата е изработена со финансиска поддршка на Министерството за економија.
