ПУБЛИКУМ Вистината на прво место
Уплатата на туристичката такса во 2018 година, се зголемила за 39 отсто во споредба со 2017 година. Иако наплатата на овие средства се’ уште не е на потребното ниво, сепак ова се показатели дека се зголемува свесноста за уплаќање на оваа давачка.
„Ја зголемивме уплатата на туристичката такса и тоа покажува дека бројот на туристи и ноќевања се зголемува, исто како и свесноста за уплаќање на таксата. На ова поле ни престои уште многу работа, ги повикувам сите издавачи на соби, вили и хотели целосно да ја плаќаат таксата, затоа што преку изградба на патишта, подобра промоција, хигиена и слично тие пари се враќаат кон угостителскиот сектор“, изјави градоначалникот на општина Крушево, Томе Христоски.
Заедно со покачувањето на уплатата на туристичката такса, расте и бројот на туристи чиј број во првите 6 месеци е за 17 отсто поголем во споредба со истиот период лани.
