Кулминација на забавата на третата вечер на „Пивофест 2019“

Со многу енергија, позитивна атмосфера и добра мисла, помина и третата фестивалска вечер на „Пивофест 2019“.

Новосаѓанките „Фрајле“, прилепчаните „The Hounds“, групата „Нокаут“ и Влатко Стефановски Трио, како и програмата од Камената бина придонесоа за кулминација на музичкиот дел од годинешниот фестивал на пивото.

Пред нас е завршната вечер на „Пивофест 2019“, кога за заокружување на позитивниот впечаток на посетителите од населените места ширум нашата држава и гостите од странство, ќе се погрижат „The Four“, „Кал Бенд“, Даниела Мартиновиќ и „Cyrillic“.