Лични карти ќе може да се подигнат и в сабота и недела, на денот на изборите

Во пресрет на претстојните локални избори што ќе се одржат в недела, 17 октомври, Министерството за внатрешни работи (МВР) извести Одделот за граѓански работи, односно сите отсеци за управни работи на оваа организациона единица при МВР (Куманово, Штип, Велес, Струмица, Битола, Охрид и Тетово) на 16 октомври, сабота ќе работат на прием на барања и издавање на лични карти со редовно работно време од 8 до 16 часот.

Истовремено и Одделението за управни работи Скопје во објектот на МРТВ в сабота ќе работи на прием на барања и на издавање лични карти во редовното работно време, од 8 до 16 часот.

В недела, пак, на денот на изборите сите наведени надлежни организациони единици ќе работат само на издавање на изготвени лични карти за граѓаните, со работно време од 7 до 19 часот. Во истото време ќе работат и дисперзираните пунктови во Скопје: Ѓорче Петров, Беко, Бутел и Драчево.

Извор:МЕТА

Прочитајте повеќе

Средба на претседателот Стево Пендаровски со претседателката на Европската Комисија, Урсула фон дер Лејен

Претседателот Стево Пендаровски, денеска во Софија оствари средба со претседателката на Европската Комисија, Урсула фон …