Македонските Бугари побарале од Османи да посредуваат за „смирување на тензиите“

Претставниците на македонските Бугари, Ѓорѓи Трендафилов и Љупчо Ѓоргиевски на денешната средба со чефот на македонската дипломатија Бујар Османи побарале и тој и тие да посредуваат за смирување на тензиите во земјава бидејќи „во експлозивна атмосфера не е возможно да се донесат квалитетни, рационални, политички решенија што е во интерес на граѓаните на земјава“.

По средбата, Трендафилов изјави дека со министерот Бујар османи имале корисна средба која во голема мера била продолжение на разговорите од Брисел.

„Го известивме за содржината на разговорите со еврокомесарот Оливер Вархеји и со групации од Европскиот Парламент кои ќе се обидат со нивните политички истомисленици и групации овде во Македонија да помогнат да се смират тензиите на релација Скопје-Софија и во порелкасирана атмосфера да почне да се спроведуваат одредбите и од Договорот со Бугарија и од францускиот предлог, за да може Македонија по извештајот за напредокот во октомври да ги отпочне официјално преговорите со ЕУ“, изјави Трендафилов.

Одговарајќи на новинарски прашање, во однос на извештајот од Советот на Европа дека нема системска дискриминација во земјава рече дека негово право е да не се согласи со тоа. Активноста на македонските Бугари, според него, ќе биде во насока на придонесување колку повеќе може да се релаксираат односите.

Претставници на македонските Бугари неодамна беа во брисел на средба со претставници на ЕУ каде се пожалија на дискриминаторски однос кон нив во Македонија. Бугарија и понатаму останува на барањето за влез на Бугарите во македонскиот Устав, како услов за преговорите на Македонија со ЕУ.