Митрески: Со предлог Законот за политички партии, застануваме во одбрана на антифашистичките вредности

Јован Митрески, координатор на пратеничката група на СДСМ за предлогот за донесување на Закон за политички партии:

„Во вакви услови, со се’ што се случува во државата, провокации кои предизвикуваат крајно негативни чувства кај граѓаните, предлагаме донесување на Закон за политички партии по скратена постапка. Предлагаме политичките партии во своите програми, статут и дејствување да не можат да бидат насочени кон разгорување на национална расна или верска омраза, етничка нетрпеливост, нетолеранција, геноцид, екстерминација, ширење или поддршка на фашизам, нацизам, националсоцијализам или Третиот рајх, или повикување на личности и настани поврзани со фашизам нацизам, националсоцијализам или Третиот рајх, а исто така мора да застанеме во одбрана на антифашистичките вредности на коишто се темели нашата држава“.