МОН: Цените за сместување во студентските домови не може своеволно да се зголемуваат

МОН: Цените за сместување во студентските домови не може своеволно да се зголемуваат

Од МОН велат дека ниту еден студентски дом индивидуално не може да ја промени цената за сместување и на студентите избрани преку јавно објавени конкурси да им наплатува различен износ од утврдениот во Програмата

Нема да дозволиме покачување на цените за сместување преку самоволие и непочитување на прописите, соопшти денеска Министерството за образование и наука, откако вчера организацијата Студентски отпор објави дека се зголемени месечните кирии во студентските домови.

Мета.мк го следеше процесот на вселување на студентите, и објави дека цените за сместување годинава се повисоки од лани. Па така на пример, ако студент во „Гоце Делчев“ лани плаќал 3.645 денари, сега плаќа 3.945 денари.

ПОВТОРНО РЕДИЦИ ПРИ ВСЕЛУВАЊЕТО ВО СТУДЕНТСКИТЕ ДОМОВИ, СТАНАРИНАТА ПОСКАПЕНА ЗА 300 ДЕНАРИ

Во денешното соопштение на МОН се вели дека ниту еден студентски дом индивидуално не може да ја промени цената за сместување и на студентите избрани преку јавно објавени конкурси да им наплатува различен износ од утврдениот во Програмата. Доколку се утврди постапување спротивно на важечките акти, Министерството најавува дека ќе побара одговорност од директорите кои го направиле прекршувањето.

МОН потсетува дека согласно со Законот за студентски стандард, цената за сместување во државни студентски домови се утврдува со Програма за остварување и развој во дејноста на студентскиот стандард, која ја усвојува Владата. Притоа, стои во соопштението, МОН покрива 50 проценти од вкупниот износ на цената, која за 2023 година изнесува 6820 денари. Оттаму, на студентите кои плаќаат партиципација, трошокот им изнесува 3410 денари месечно. Додека за најмногу 40 проценти од студентите, МОН го покрива целиот износ, доколку се работи за студенти со посебни потреби, деца без родители и родителска грижа, деца од семејства корисници на социјална парична помош итн.

Прочитајте повеќе

Владата подготвува закон, Унгарците „во прашалници“ за милијардата од Орбан за Мицкоски

Владата подготвува закон, Унгарците „во прашалници“ за милијардата од Орбан за Мицкоски

Премиерот Мицкоски најави 250 милиони евра од кредит од Унгарија за бизнисот, македонските стопанственици го …