На свадба во Кабул на која биле поканети околу 1.200 лица, бомбаш самоубиец активирал експлозив при што загинале најмалку 63 лица а 182 биле ранети, изјави портпарол на авганистанското Министерство за внатрешни работи. Меѓу жртвите има и деца и жени.

Нападот бил извршен во сала за свадби во западниот дел од Кабул, во шиитски кварт. Талибанците го осудија нападот и негираат вмешаност во него.