Најмалку пет загинати и 25 повредени во руски ракетен напад на градот Кропнивицки

Во рускиот ракетен напад на градот Кропнивицки во централниот дел на Украина загинаа најмалку пет лица, а 25 се повредени, јавува Би-би-си. Нападот се случил попладнево во 12:22 часот по локално време, а во нападот била погодена академијата за авијација на Универзитетот за национална авијација и хангари на авијациска компанија.

Меѓу загинатите лица во рускиот ракетен напад, едно лице е украински војник, додека 12 од повредените се воен персонал. Останатите загинати и повредени лица се цивили, јавува Укринформ. 

Во рускиот ракетен напад се уништени два патнички авиони и еден авион Антонов-26. На местото на нападот се наоѓаат спасувачки екипи и истражни органи, а украинските власти засега не објавуваат фотографии од ракетниот напад.

Извор:МЕТА