ПУБЛИКУМ Вистината на прво место
Министерството за здравство информираше дека се потврдени 30 нови случаи позитивни на Ковид-19 во изминативе 24 часа. По градови, најмногу случаи се регистирани во Скопје – вкупно 12, по што следуваат Прилеп со 9, Куманово со 8 и Крива Паланка со 1 дијагностициран случај.
Вкупната бројка на дијагностицирани пациенти заклучно со денешниот ден се искачи на 384 лица. Според местото на живеење, најмногу случаи со корона вирус се регистрирани во Скопје – вкупно 195. Во Куманово има 62 дијагностицирани пациенти, Дебар 47, Прилеп 21, Штип 15, Тетово 13, Струга 9, Велес 6, Битола 4 и Охрид 3. По два случаи на заболени од корона вирусот има во Кавадарци, Гевгелија и Крива Паланка, додека по еден пациент со КОВИД-19 е потврден во Гостивар, Струмица и Кочани.
Во изминатото деноноќие биле направени 342 теста преку Институтот за јавно здравје, Ветеринарниот факултет, Авицена, Биотек и Жан Митрев. Досега се направени вкупно 4.117 тестирања на Ковид-19, соопштуваат од Министерството за здравство.
