Од полноќ бензинот поевтин за 7,5 а дизелот за 6 денари за литар

Од вечерва по полноќ, малопродажните цени на Еуросупер БС-95 и Еуросупер БС-98 ќе се намалат за 7,5 денари по литар и ќе изнесуваат 54,50 денари за литар Еуросупер БС-95, односно 56,50 денари за литар Еуросупер БС-98. Цената на Еуродизел ќе опадне за 6 денари со што новата цена на дизел горивото од вечерва на полноќ ќе изнесува 48,50 денари по литар.

Ова претставува рекорден пад на цените во нашата држава. Цените на горивата се на најниско ниво во нашата држава споредено со земјите од регионот.