Наставник од Струмица извршил полови дејствија врз ученичка која сѐ уште немала наполнето 14 години. Според струмичкото Обвинителство кое против наставникот отвори истрага за полов напад врз дете, тој во два наврати во спортската сала на училиштето ја допирал и ја бакнувал.
Наставникот, во периодот од октомври 2020 година до мај 2022 година, преку социјална мрежа на ученичката ѝ испраќал и пораки со експлицитна сексуална содржина, соопшти надлежното Обвинителство.
По барање на обвинителството на 40-годишниот наставник му е определен притвор притвор во траење од 30 дена.
За делото за кое е обвинет наставникот според член 188 став 1 од Кривичниот законик, предвидена е казна затвор од најмалку 12 години.