Пад на температурите и локални врнежи од дожд

Поради продор на постудена воздушна маса од север, времето денеска ќе биде променливо облачно со засилен северен ветер, особено изразен долж пошироко Повардарие и на повисоките места, каде повремено ќе надминува 70 км/час. Во западните делови а потоа и во северните, ќе има повремен локален дожд, а на планините снег уште од претпладневните часови. Слаби локални врнежи од дожд на југозапад ќе има и во недела.

Дневните температури ќе останат пониски во недела, а утринските температури на повеќе места ќе бидат под нулата. Во понеделник температурите малку ќе се покачат, а потоа следи посвежо време со нови врнежи.