Парламентарното мнозинство ги избра новите министри во Владата

На предлог на претседателот на Владата, Димитар Ковачевски, доцна синоќа со 65 гласови ЗА, Собранието на Република Северна Македонија ги избра четворицата нови министри:

• Кренар Лога, за министер кој ќе раководи со Министерството за правда;
• Фатмир Меџити, за министер кој ќе раководи со Министерството за здравство;
• Азир Алиу, за министер кој ќе раководи со Министерството за информатичко општество и администрација;
• Каја Шукова за министерка која ќе раководи со Министерството за животна средина и просторно планирање.

Во соопштението на Владата се додава дека продолжува ефикасното спроведување на реформите во интерес на граѓаните и зајакнувањето на парламентарното мнозинство по трасираниот, европскиот пат, со цел членство на Република Северна Македонија во Европската Унија, како национален и стратешки државен интерес.