Косовскиот вицепремиер и шеф на дипломатијата во заминување, Беџет Пацоли донираше милион евра за обновување на подрачјата погодени од катастрофалниот земјотрес во Албанија. Тој преку објава на Фејсбук, соопшти дека тоа е најмалку што тој и неговото семејство може да направат за, како што пишува „нашата драга Албанија“.
Пацоли пишува дека парите ќе бидат наменети за реконструкција и ќе бидат потрошени транспарентно во соработка со албанската влада. Истовремено, тој соопшти дека на организиран начин ќе прифати околу 100 семејства во Приштина. Бројот на загинати во Албанија надминува 40.