ПУБЛИКУМ Вистината на прво место
Претседателот Стево Пендаровски во интервју за грчкиот весник „Етнос“ изјави дека Русија ги продуцира најсериозните хибридни закани на Балканот, вклучувајќи политичка пропаганда и кампањи на дезинформации.
„Поточно, во Северна Македонија, комплексноста и интензитетот на хибридните закани се слични на оние од 2018 година во периодот на нашиот референдум за прашањето за името“, изјави претседателот Пендаровски.
Тој додава дека на официјална Москва ѝ се добро познати чувствителните точки во регионот и таа со сигурност се обидува да пенетрира подлабоко на Балканот.
Во период од неколку дена, ова е второ директно обраќање и јавно предупредување на македонскиот претседател во однос на хибридните закани коишто доаѓаат од Русија во земјава.
Во емисијата „Клик плус“ на ТВ 21, Пендаровски во интервјуто на 8 јули рече дека безбедносната ситуација во земјава се влошува, а неговите информации добиени од безбедносните служби говорат дека Русија ги злоупотребува протестите, но и дека се уфрлени луѓе од соседните земји на протестите за да испровоцираат инциденти.
