На полуостровот Рејкјанес, властите евакуираа речиси 4.000 жители на рибарскиот град Гриндавик и ја затворија блиската геотермална бања Сина лагуна.
![Чад се крева во хоризонтот кај селото Хафнарфјодур во Исланд по булканската ерупција Чад се крева во хоризонтот кај селото Хафнарфјодур во Исланд по булканската ерупција](https://static.dw.com/image/67761601_906.jpg)
„Предупредување: Ерупцијата започна северно од Гриндавик кај Хагафел“, објави Метеоролошката служба на својата веб-страница.
На социјалните мрежи се појави видео од моментот на ерупцијата на вулканот, на кое огнена топка ненадејно ја осветлува црната темница.
На видеата и во директните преноси на локалната новинска агенција РУВ се гледа како лава излегува од вулканот.
Меѓународниот аеродром во Рејкјавик, кој се наоѓа во близина, остана отворен.
![Луѓе во главниот град на Исланд, Рејкјавик го набљудуваат осветленото ноќно небо над блискиот полуостров Рејкјанес каде по повеќенеделна интензивна сеизмичка активност еруптираше тамошниот вулкан. Луѓе во главниот град на Исланд, Рејкјавик го набљудуваат осветленото ноќно небо над блискиот полуостров Рејкјанес каде по повеќенеделна интензивна сеизмичка активност еруптираше тамошниот вулкан.](https://static.dw.com/image/67761591_906.jpg)
Во последните години имаше неколку ерупции на полуостровот во ненаселени области, но се верува дека сегашната ерупција претставува непосредна закана за Гриндавик, соопштија властите.
Сите рути до градот Гриндавик ќе бидат затворени за патници во наредните неколку дена поради вулканската ерупција во близината на овој рибарски град.
„Би сакале да ги замолиме луѓето да не одат до ерупцијата и да запомнат дека гасовите можат да бидат опасни“, објави Одделот за јавна безбедност на Исланд на Фејсбук.
Се додава дека ќе бидат потребни неколку дена за научниците да ја проценат ерупцијата и оти властите ќе ја проценуваат ситуацијата секој час.
Рејкјанес е вулканско и сеизмичко жариште југозападно од главниот град Рејкјавик. Во март 2021 година, фонтаните од лава еруптираа спектакуларно од пукнатината долга 500-750 метри во земјата во вулканскиот систем Фаградалсфјал.
Извор: DW