Во Министерството за култура, градоначалникот на општина Крушево Томе Христоски го потпиша договорот за изградба на спомен обележјето на Тоше Проески.
За овој проект Владата издвои 10 милиони денари, а градоначалникот Христоски извести дека веднаш започнува постапката за имплементација на проектот.
„Ние веќе работиме на целосната процедура за изградба на спомен обележјето и сега, по потпишувањето на договорот, ги продолжуваме активностите се’ до реализација на долго ветуваното уредување на гробното место. Конечно, благодарение на Владата, ќе го изградиме спомен-обележјето и така Тоше ќе има достојно вечно почивалиште“, изјави градоначалникот Христоски по потпишувањето на договорот.