ПУБЛИКУМ Вистината на прво место
Градоначалничката Наташа Петровска заедно со дел од советниците во Советот на Општина Битола, го посетија населеното место Лопатица, каде се работи на санација на основното училиште и остварија средба со локалното население.
Жителите на Лопатица искажаа благодарност до Општина Битола и до Петровска, за покажаниот интерес за санација на училиштето и брзата реакција. Покрај менувањето на комплетната водоводна и одводна инсталација и санација на тоалетите, веќе се поставени нови цевки и хидрофори. Во натамошните подготвителни активности пред почетокот на новата учебна година, ќе се санираат и училниците, а ќе се изврши дезинфекција на просториите со бојадисување.
Во Лопатица од први септември, во чисти и обновени училници и комплетно реновирани тоалети, на настава ќе се вратат 14 ученици од прво до петто одделение.
