ПУБЛИКУМ Вистината на прво место
Основното јавно обвинителство Тетово до надлежниот суд поднело Предлог за издавање на казнен налог против 40-годишен тетовец, кој се товари за кривично дело „Повреда на угледот на странска држава“ по член 181 од Кривичниот законик, соопштија од Јавното обвинителство.
Обвинетиот, преку коментар со вулгарна и навредлива содржина на социјалната мрежа Фејсбук, на 12 април минатата година ја изложил на подбив тогашната амбасадорка на САД во земјава и на тој начин го сторил кривичното дело. Американска амбасадорка во Северна Македонија во тој момент беше Кејт Мери Брнз.
Од обвинителството информираа дека надлежен јавен обвинител на Основниот суд во Тетово му предложил да му изрече парична казна на обвинетиот од 100 дневни глоби.
