Продолжува соработката на Државниот архив и Општина Крушево

По повод 65-годинишнината од постоење на Државен архив на Република Северна Македонија – одделение Прилеп, градоначалникот на општина Крушево, Томе Христоски одржа средба со раководителката на прилепскиот Архив, Елена Чагороска.

Градоначалникот Христоски доби примерок од монографијата насловена „65 години Архив во Прилеп (1955 – 2020) и истовремено најави продолжување на соработката на општина Крушево со оваа институција.

„Честитам за 65 години успешна работа и се заблагодарувам на монографијата, во која се собрани сите информации за историскиот развој на Архивот. На првиот век на одделението на Државниот архив од Прилеп, Елена Чагороска, и’ посакувам успешна работа и уште подобра соработка со нашата општина“, изјави градоначалникот Христоски.

„65 години архив во Прилеп (1955 – 2020)“, во редакција на Елена Чагороска, претставува своевидно огледало на работата на Архивот во Прилеп, кој веќе 65 години се афирмира како важен темел на македонскиот идентитет, самобитност и државност. Со својот богат културен и историски трезор со архивски фондови и материјали, овозможува домашните и странските истражувачи да имаат пристап до живописната ризница. Целта на оваа монографија е да се информира јавноста за работата и историскиот развој на институцијата, нејзината надлежност и задачи, но и со постигнатите резултати во областа на заштитата на архивскиот материјал и унапредувањето на архивската дејност.