Просечната нето-плата во март во земјава се искачи на 31.080 денари

Просечната нето-плата во земјава надмина 30.000 денари. Во март 2022 година, таа достигнала 31.080 деанри, што претставува зголемување од 10,1 отсто во споредба со исплатената нето-плата по вработен во март 2021 година, покажуваат податоците на Државниот завод за статистика (ДЗС).

„Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Финансиски дејности и дејности на осигурување (21,4 отсто), Уметност, забава и рекреација (20,2 отсто) и Објекти за сместување и сервисни дејности со храна (19,5 отсто)“, се наведува во соопштението на ДЗС.

Зголемувањето на просечната месечна исплатена нето-плата по вработен, во однос на февруари 2022 година, е забележано во секторите: Финансиски дејности и дејности на осигурување (16,9 отсто), Рударство и вадење на камен (13,5 отсто) и Преработувачка индустрија (7,1 отсто).

Просечната месечна исплатена бруто-плата по вработен во март 2022 година во земјава изнесувала 46.430 денари и таа била зголемена за 10,3 отсто во споредба со истиот месец од минатата година.

Прочитајте повеќе

РКЕ

РКЕ објави калкулатор за пресметка на сметките за струја според новиот тарифен систем

Секој граѓанин ќе може сам да провери колку троши електрична енергија и да направи пресметка …