САД ја поздравуваат деескалцијата на реториката меѓу Софија и Скопје
WASHINGTON, DC - SEPTEMBER 12: A sign stand outside the U.S. State Department September 12, 2012 in Washington, DC. U.S. Ambassador to Libya J. Christopher Stevens and three other Americans were killed in an attack on the U.S. Consulate in Benghazi, Libya. (Photo by Alex Wong/Getty Images)

САД ја поздравуваат деескалцијата на реториката меѓу Софија и Скопје

САД ги поздравуваат напорите на лидерите на Бугарија и на Северна Македонија за деескалција на реториката и за тоа што охрабрија достојно чествување во Скопје на денот на раѓањето на Гоце Делчев, се вели во изјавата на Стејт департментот. На прашање од МИА дали САД сметаат дека бугарската реакција околу нападот во Охрид врз едно лице, како и декларацијата изгласана во Собранието на Бугарија, е преувеличување до невидени размери од страна на официјална Софија, Вашингтон одговори дека Софија и Скопје веќе работат на деескалација на ретороиката и го поздравија мирното чествување на роденденот на Делчев.

„Иднината на Северна Македонија е во ЕУ. САД продолжуваат да ја поддржуваат целосната евроатлантска интеграција на Северна Македонија“, се наведува во одговорот на Вашингтон. Одбележувањето на 151-годишнината од раѓањето на великанот Гоце Делчев во саботата, на 4 февруари во Скопје, помина под силно полициско обезбедување, но во мирна атмосфера. Сепак, тензично, беше на граничниот премин „Деве Баир“, кога бугарски државјани кои сакале да присуствуваат на одбележувањето на роденденот на Гоце Делчев во Скопје не беа пуштени да влезат на македонска територија поради пад на граничниот систем за контрола. Министерството за внатрешни работи соопшти дека тројца бугарски државјани биле приведени поради нарушување на јавниот ред и мир и недолично однесување со полициските службеници на граничниот премин „Деве Баир“. На тројцата им беше изречена и парична казна во износ од 300 евра и мерка протерување од земјава и забрана за влез во државата за период од три години.

Извор: Радио Слободна Европа

Прочитајте повеќе

Борисов се соочува со огромен проблем: Пеевски

Борисов се соочува со огромен проблем: Пеевски

ГЕРБ победи на изборите, но победата не изгледа слатка. Борисов има огромен проблем – зголемената …