Сашко Николов од СДСМ и Али Јахоски од ДУИ, нови градоначалници на Штип и Пласница

Со исполнување на изборниот цензус, неофицијално, општините Штип и Пласница добија нови градоначалници.

Според ДИК, во Штип излезноста во 18.30 часот, на 30 минути пред затворање на гласачките места, изнесувала 34.30%, а во Пласница 39.54%.

Со тоа, кандидатот на СДСМ, Сашко Николов, е нов градоначалник на општина Штип, а во градоначалничката фотелја во Пласница седнува Али Јахоски, кандидат на ДУИ.