„Наместо да излезе и да одговори какви пресуди и за какви дела добил во Германија во 2004 и во 2005 година, кусо време пред да стане министер, главниот дезинформатор во во ВМРО-ДПМНЕ, Антонио Милошоски, се обиде да се сокрие зад социјалните мрежи“, се вели во денешното соопштение на СДСМ.
Од СДСМ додаваат дека според информациите, но и документите објавени во медиумите, судот во градот Ахен пресудил дека Милошоски сторил кривично дело и затоа бил осуден и казнет.
„Милошоски е фатен во нова лага. За овој голем домашен, но и меѓународен срам, тој, но и неговиот шеф Христијан Мицкоски имаат обврска да излезат пред граѓаните. Тоа што Мицкоски го покрива Милошоски, говори дека и тој е на страната на лагата, срамот и криминалот“, се додава во соопштението на СДСМ.