сдсм

СДСМ: Почнуваме преговори со ЕУ, веќе е обезбедена првична помош од 66 милиони евра за борба против коронавирусот

Соопштение за јавност на СДСМ:

Во овие тешки времиња коишто ги живее нашата земја и сите граѓани, Република Северна Македонија конечно ја дочека заслужената и долгоочекувана одлука за почеток на преговори за членство во Европската Унија.

Во екот на борбата против коронавирусот, кога сите капацитети на државата се насочени кон заштита на здравјето на граѓаните и кон санирање на економските последици, ова е охрабрувачка порака којашто докажува дека само со напорна работа, труд и државнички одлуки може да се соочиме со предизвиците.

Владата предводена од СДСМ ја ослободи државата, презеде  храбри чекори, ги реши проблемите со соседите, но стави и крај на расипништвото и на стравот.

СДСМ успеа да ја стави економијата на здраво нозе и од Република Северна Македонија да направи 30 земја членка на НАТО и да започне преговори со Европската Унија.

Зеленото светло за отпочнување преговори со ЕУ во државата ќе донесе и сериозна помош за заедничката борба против коронавирусот.

Првичните придобивки веќе се забележуваат, Европската Унија одвои 66 милиони евра за Република Северна Македонија.

Од нив 50 милиони евра се наменети за економско-социјалното закрепнување, 9 милиони евра се одвоени за поддршка на приватниот сектор, 3 милиони евра се директна буџетска поддршка и 4 милиони евра се наменети за итните потреби на државата.

Почетокот на пристапните преговори на Република Северна Македонија со Европската Унија, значи крај на 15 годишното чекање откако го добивме кандидатскиот статус за членство во ЕУ.

Со ова, иднината на државата е обезбедена и загаранирантирана како членка на НАТО и ЕУ.

Пред нас е процес на позитивна трансформација на државата и општеството низ што поминаа сите денешни членки на Европската унија.

Патот кој денес го започнуваме треба да го завршиме како држава членка на ЕУ со што и ќе се исполни сонот на сите граѓани да живеат во  развиена, демократска и напредна држава, рамноправен дел од големото европско семејство.

Прочитајте повеќе

Петровска: Со Манифест за социјалдемократијата, СДСМ да се исправи и да продолжи по патот на идеологијата

Петровска: Со Манифест за социјалдемократијата, СДСМ да се исправи и да продолжи по патот на идеологијата

Изјава на кандидатката за претседател на СДСМ, Славјанка Петровска: Денес после 24 години активно членство …