СДСМ Прилеп: Градоначалникот Борче Јовчески е единствениот виновник за откажувањето на „Пивофест“

СДСМ Прилеп: Градоначалникот Борче Јовчески е единствениот виновник за откажувањето на „Пивофест“

Прес-конференција на Александар Ѓорѓиоски, претседател на ЛК на СДММ Прилеп

Почитувани сограѓани,

Елементарната непогода наречена Борче Јовчески, продолжува со уништувањето на градот и населените места во општина Прилеп.

Со неговата неспособност да раководи со општинската администрација, Јовчески целосно го наруши функционирањето на локалната самоуправа, а со инсталирањето на паралелната администрација, решавањето на основните проблеми и потребите на граѓаните стана невозможна мисија.

Пустошењето на градот, првенствено преку дваесетмесечната негрижа и константното руинирање на патната инфраструктура, се прошири во секоја сфера на секојдневниот живот на прилепчани.

Неговото најново “достигнување“ е уништувањето на манифестацијата со дведецениска традиција – „Пивофест“.

Фестивалот на пивото и познатата прилепска скара, кој во 2003 година го започнаа тогашната локална власт и градоначалникот од редовите на СДСМ, стана препознатлив бренд на градот. Освен добра забава и масовна посетеност, манифестацијата имаше и финансиски бенефит за прилепската економија, пред се’ за угостителската и трговската дејност.

И така беше се’ до оваа година, кога неспособниот прилепски градоначалик Борче Јовчески го “погреба“ „Пивофест“.

Не постои никаква дилема дека Јовчески е единствениот виновник за откажувањето на фестивалот на пивото и скарата. Изговорот на суетниот прилепски градоначалник дека Општината не е организатор туку обичен помагател на „Пивофест“, е евтин и перфиден обид за префрлање на вината на друга адреса.

Јасно е дека од првото издание на „Пивофест“, прилепската локална самоуправа беше негов коорганизатор.

Впрочем, барањата за спонзорство на манифестацијата кои Општината и градоначалникот ги испраќаа до прилепските дуќанџии, до малите и средни фирми и големите компании, директната вклученост на општинската администрација во организацијата на „Пивофест“, како и редица други факти, го потврдуваат она од што Борче Јовчески сака да се амнестира.

Тоа што никој од прилепските бизнисмени и стопанственици не се отповика на испратените барања за спонзорство, е најдобар доказ за авторитетот кој Јовчески го ужива меѓу граѓаните и фирмите, а кој е еднаков на – НУЛА!

Заради сето ова, заради девалвирањето на градоначалничката функција и уништувањето на градот и перспективата на прилепчани, најдоброто што Борче Јовчески може да го направи за себе и за своите сограѓани, е да си поднесе оставка. Колку побрзо, толку подобро за сите!

Прочитајте повеќе

Владата подготвува закон, Унгарците „во прашалници“ за милијардата од Орбан за Мицкоски

Владата подготвува закон, Унгарците „во прашалници“ за милијардата од Орбан за Мицкоски

Премиерот Мицкоски најави 250 милиони евра од кредит од Унгарија за бизнисот, македонските стопанственици го …