ПУБЛИКУМ Вистината на прво место
Соопштение за јавност на СДСМ
Градоначалниците од ВМРО-ДПМНЕ продолжуваат да ги партизираат општините со кои раководат и да се однесуваат расипнички со парите на граѓаните.
Последен доказ за тоа е „позајмувањето“ на цистерна од јавното комунално претпријатие „Комуналец“ од општина Гевгелија на општина Штип.
Скандалозно, возилото од Гевгелија било испратено за Штип за да ги мие улиците пред посетата на Христијан Мицкоски на овој град.
Ова е класичен пример на злоупотреба на општински ресурси за партиски цели, за која одговорност треба да понесат градоначалникот на општина Гевгелија и директорот на комуналното претпријатие.
Наместо да работат за граѓаните, градоначалниците на Гевгелија и Штип, како и многу други, работат единствено за интересите и ќеифот на Мицкоски.
Изминуваат првите шест месеци од мандатот, а градоначалниците од ВМРО-ДПМНЕ не сработија ништо за граѓаните.
Партиски вработувања, расипничко трошење на општинските буџети, тоа се досегашните резултати на градоначалниците од ВМРО-ДПМНЕ, затоа тие се најголемото разочарување за граѓаните.
