Даниела Колева, пратеничка на СДСМ

СДСМ: Започнува исплатата на минималната плата, на историско највисоки 18.000 денари

Прес-конференција на СДСМ, Даниела Колева, пратеничка на СДСМ

Почитувани,

Економските политики што ги презема Владата предводена од СДСМ даваат резултати кои граѓаните ги гледаат и чувствуваат.

Од денеска започнува исплатата на мартовската плата. Од овој месец минималната плата изнесува 18.000 денари или околу 300 евра.

Околу 80.000 граѓаните ќе добијат покачување на своите плати од речиси 3.000 денари, зголемување на платите ќе добијат и работници кои до претходниот месец имаа плата од 16 или 17.000 денари.

Со најновото зголемување, минималната плата сега изнесува двојно повеќе отколку пред четири и пол години кога во одредени дејности таа изнесуваше 8.800 денари.

Ова е вистинска грижа за граѓаните преточена низ конкретни мерки и политики.

И во време на криза, се грижиме за животниот стандард, покрај минималната плата, растат платите во сите сектори.

Денес, просечната плата изнесува 29.980 денари и е за шест илјади денари повисока во однос на периодот од пред четири и пол години.

Како одговорна, социјалдемократска партија продолжуваме со реализација на мерки и политики кои го унапредуваат животниот стандард на граѓаните и обезбедуваат повеќе пари во семејните буџети.

Прочитајте повеќе

Ковачевски: Oва е последниот повик за Европа, ние не се откажуваме (Видео)

Ковачевски: Oва е последниот повик за Европа, ние не се откажуваме (Видео)

Со испраќање на порака за здружување на силите на патот кон Европската Унија, Социјалдемократскиот Сојуз …