Се засилуваат про-Кремљ дезинформациите: Сите освен Русија се „нацисти“!

Се засилуваат про-Кремљ дезинформациите: Сите освен Русија се „нацисти“!

Кремљ со засилена брзина го проширува кругот на „нацистите“. Прво започна од украинските власти, а сега продолжи да го етикетира целото население и секој што ја поддржува Украина. И додека Украина продолжува да ги ослободува окупираните територии, реториката на руската страна во контекст на нацизмот се зацврстува и станува сè поекстремна, пишува „Вистиномер“ во својата анализа.

Текстот го пренесуваме во целост:

Дефинирачка карактеристика, како што најчесто се тврди во странските медиуми и кај проверувачите на факти, а во врска со про-Кремљ дезинформациите е нивната повторливост – лагите и дезинформациите се повторуваат, сè со цел да звучат поверодостојно и на крајот, евентуално, луѓето да поверуваат во нив. Про-Кремљ дезинформациите го постигнуваат ова со распоредување на збир на повторливи наративи кои се поставени како шаблони, во зависност од потребата и од содржината. 

Она што во последниов период особено е забележително е наративот за „нацистите“ што го пласира режимот на Кремљ.

Како што објавува EuVsDisinfo, долги години руските медиуми контролирани од државата тврдeле дека различни држави и ентитети се управувани од нацисти или пак се водат од нацистичката идеологија. Примерите се добро документирани во базата на податоци EUvsDisinfo од 2015 година. Таму, на пример се тврди дека Молдавија е управувана од фашисти, а исто така и балтичките држави и Полска. Понатаму, дека Европа го „поддржува“ фашизмот, а исто така и Европскиот парламент. Говорејќи во Владивосток шест месеци по руската инвазија на Украина, Владимир Путин дури шпекулираше дека шефот за надворешна политика на ЕУ, високиот претставник Жозеп Борел, „ќе беше на страната на фашистите доколку живееше во триесетите“.

Но, Украина – земја во која милиони загинаа борејќи се против нацизмот во Втората светска војна, каде што нацистичката идеологија е забранета, според Кремљ, е најголемиот нацист од сите. Базата на податоци EUvsDisinfo содржи речиси 500 примери на про-Кремљ дезинформациски тврдења за „нацистичка/фашистичка Украина“.

Рускиот министер за надворешни работи Сергеи Лавров, на 18 јануари годинава рече дека Соединетите Американски Држави собрале коалиција од европски земји за да го решат „руското прашање“ на ист начин како што Адолф Хитлер барал „конечно решение“ за искоренување на европските Евреи.

Како што Хитлер сакаше „конечно решение“ на еврејското прашање, сега, ако читате западни политичари… тие јасно велат дека Русија мора да претрпи стратешки пораз, им рече Лавров на новинарите во Москва.

Претходно, имаше голем број неуспешни наративи, како на пример дека Русија води „борба против антихристовиот наратив“, но затоа, во последниов период, Кремљ се врати на стариот метод, повторувајќи дека речиси секаде во Европа и во САД има нацисти.

Тие велат дека нацистите се насекаде, освен во Русија, секако, се вели во емисијата „Break the fake“ од 30 јануари годинава.

Во емисијата, во втората минута, се пласира говор од рускиот пропагандист Владимир Соловјов, инаку еден од најпопуларните пропагандисти на официјалните руски ТВ канали, кој смета дека Берлин, Париз, Мадрид, Лондон, Вашингтон, како „главни градови на нацистички држави, треба да бидат запалени“.

Ѓубрињата како Борел, Шолц, Беарбок, нацисти, се чувствуваат сосема безбедно. Тие користат тенкови, да убиваат руски војници на руска територија, а ние велиме, ќе ги закопаме. Берлин, Париз, Мадрид, Лондон, Вашингтон, треба да се запалат – главните градови на нацистичките држави кои решија да одат во војна со Русија, вели тој.

Кремљ со засилена брзина го проширува кругот на „нацистите“. Прво започна од украинските власти, а потоа продолжи да го етикетира целото население и секој што ја поддржува Украина. И додека Украина продолжува да ги ослободува окупираните територии, реториката на руската страна во контекст на нацизмот продолжува да се зацврстува и станува сè поекстремна.

Извор: МЕТА

Прочитајте повеќе

ВМРО-ДПМНЕ во недела ќе ги соопшти имињата на министрите

ВМРО-ДПМНЕ во недела ќе ги соопшти имињата на министрите

Мандатарот Христијан Мицкоски најави дека составот на новата влада ќе биде доставен во Собранието во …