Силен земјотрес ноќеска ги разбуди охриѓани и стружани

Земјотрес со јачина од 3.7 степени ноќеска околу 2 часот и 20 минути, ги разбуди жителите на Охрид и на Струга, а бил почувствуван и во повеќе места во југозападниот дел на државава.

Дел од коментарите на социјалните мрежи на жителите од овие места се дека биле исплашени, и цела ноќ ја минале на „штрек“. Пред него и после него имало и серија мали потреси во околината на Охрид и Струга.

Земјотрес ноќеска имало и во Албанија, кој исто така бил почувствуван во југозападниот дел.

Извор: ТВ21