Градоначалникот Илија Јованоски денеска оствари средба со заменик претседателот на Владата на РМ задолжен за економски прашања, Кочо Анѓушев. Градоначалникот Јованоски и вицепремиерот Анѓушев разговараа на теми од областа на економијата, како и за конкретни проекти кои ќе придонесат за подобрување на економската клима во општина Прилеп.
Претходно, прилепскиот градоначалник Јованоски и министерот Горан Сугарески со своите тимови одржаа работна средба. При тоа беа разгледани плановите и проектите на Општина Прилеп за подобрување на урбаната слика на градот.
Целта е да се изнајдат оптимални солуции за да се реализираат проектите од изборната Програма на градоначалникот Јованоски, коишто се во насока на подобрување на условите за живот во Прилеп.