Средба на претседателот Пендаровски со новоименуваните амбасадори пред нивното заминување на должностите

Средба на претседателот Пендаровски со новоименуваните амбасадори пред нивното заминување на должностите

Претседателот Стево Пендаровски денеска ги прими новоименуваните амбасадори на Република Северна Македонија пред заминување во странските држави кадешто ќе ги извршуваат своите дипломатски должности.

На средбата присуствуваа Сашко Тодоровски, амбасадор во Чешката Република, Горан Цеков, амбасадор во Јапонија, Светлана Гелева, амбасадорка и постојан претставник при Советот на Европа, Билјана Стефановска Сековска, амбасадорка во Комонвелтот Австралија, Бети Јачева, амбасадорка во Кралството Холандија, Драган Јордановски, амбасадор во Република Естонија, Лидија Бошковска, амбасадорка во Хеленската Република и Милаим Фетаи, амбасадор во Република Хрватска.

Претседателот Пендаровски на нашите амбасадори им порача дека од нив очекува првенствено и исклучиво да ги штитат интересите на Република Северна Македонија.

 „Очекувам да бидете проактивни во спроведувањето на нашата надворешна политика, соодветно да постапувате и одговорате на надворешно-политичките предизвици. Вам ви припадна привилегијата, но и големата одговорност да продолжите да работите на меѓународниот углед на државата, истакна претседателот Пендаровски на средбата.

Претседателот им посака добро здравје и успех на нашите нови амбасадори во извршувањето на одговорните дипломатски ангажмани.

Прочитајте повеќе

Талат Џафери: Има обиди за изборен инжинеринг

Талат Џафери: Има обиди за изборен инжинеринг

Имам добиено извештаи од учесниците во изборниот процес за вознемирување во однос на обиди за …