Владина делегација, предводена од премиерот Оливер Спасовски, заедно со делегација на Сојузот на борци на Народно-ослободителната антифашистичка војна, ќе положат венци пред Споменикот на ослободителите на Скопје, во дворот на Владата на Република Северна Македонија.
Владината делегација ја сочинуваат и вицепремиерката и министерка за одбрана Радмила Шекеринска и вицепремиерот за европски прашања Бујар Османи.
Во чест на 9-ти мај, Денот на победата над фашизмот и Денот на Европа, претседателот на Владата Оливер Спасовски и претседателот на Сојузот на борците Никола Стојановски ќе се обратат пред присутните.